10週年啦~~~

真是估唔到同陳生一齊10年,梗加估唔到既係同一個拍左拖4個月就結婚生小朋友的人竟然可以慶祝10週年!!當初個個都睇唔好我們,點知現在個個都服左我們,哈哈~尋晚諗番起同他相識到拍拖到結婚生小朋友,真是話咁快就10年!!嘻嘻..諗起他初初追我個陣個傻樣~諗起知道我有左BB個陣個開心樣~諗起我們結婚個日的情景~諗起我生軒軒妹妹個陣他個緊張樣~諗起他的7年之養~諗起我同他搞離婚個陣他的失落樣~諗起我最終都係原諒他同他再係嘛一齊個陣個興奮樣~諗起好多好多唔同的樣...從來都無諗過同黎個男人會有結果,點知就是因為BB的出現改寫左我同他的一生,嘻嘻...好似講得好老套!!希望同他真是可以以後開開心心咁過我們的20年~30年,我知道當中可能又會有唔開心的時候,但是希望我同他都可以刻服到,等所有當初睇唔好我們的人都跌哂眼鏡,哈哈哈!!

好慶幸我無聽家雄同老爺奶奶話去搵份長工做,等奶奶幫我揍他們,因為我近期已經試過幾次有要事做叫奶奶幫我睇一睇他們,奶奶都話唔得閒要返工,我同家雄都好唔明白點解奶奶幫他家姐揍小朋友2個星期都唔需要返工,到我真是有事要她幫我望一陣都話唔得,對她...真是有失望,如果係唔想揍咪直接講囉,點解講到我幫你揍有咩所謂,但是到真是有事要搵她幫既時候就推三推四,連我同老爺講我有事要搵人幫我揍,老爺諗都唔諗立即幫我揍,我同家雄現在已經有個共識,唔會再相信奶奶會幫我揍他們,請願以後有事搵我屋企個邊D人幫手好過

大消息:

我搵到野做啦,星期五返工,不過係兼職,咁我就可以自己揍番他們啦,係洶大采盈花園個頭一間新開既小學裏面既飯堂做,返11:30am-2:30pm,主要都係派飯比小朋友,仲可以同媽咪一齊做,不過人工唔多,得$22一個鐘,做滿3個月勞工假唔駛返都有錢比我,3個月後會幫我公強積金,做滿一年有5日有新假補錢比我,需然人工唔多,但是幫補下都好呀~